Já það er kannski kominn tími til að blogga pínulítið..  Langt síðan síðast..en ég var nú bara að detta í samband við umheiminn.  Sem sagt í þessum skrifuðu orðum sit ég inn í ''eldhúsinu'' á Egilsstöðum.  Já við erum flutt til Egilsstaða..Fínasta íbúð í stærri kantinum svona miðað við hverju ég hef  vanist.  Mér finnst allavega mubblurnar verða að krækiberi í úthaga.  Er svona enn að venjast því að það er ekki hlaupið að því að ''skreppa'' í kaffi til mömmu og hitta Sóveigu og Ingu.  Sakna ykkar allra þarna norðan heiða.  Ég get ekki kvartað yfir útsýninu hérna..það er svo magnað.  Enda líka búum við á 6. hæð.  Við fengum alveg frábæra aðstoð við flutninginn...svona þegar fór að líða að kveldi.  En sko þrjóskan í mér að labba alltaf upp á 6. hæð með dót í fanginu var fáranleg..held ég hafi farið einar 8´ferðir upp með ''smádót'' og eftir 4 ferð sagðist ég ekki ætla fleiri ferðir en hélt samt áfram.  Lyftan var mjög upptekin og höfðum við ekki séns á því að komast að...allir líka að flytja inn þennan dag....enda bilaði hún líka  í eina 3 klukkutíma.  Svo kom að því að maður frá aðalflutningum kom og sagði að fótboltaliðið kæmi eftir æfingu og myndi hjálpa okkur. Þvílíkur munur.  Svo kom himnasending frá Akureyri.  Inga og Sólveig mættar á svæðið með sko orku á við heilt þorp og íbúðin skipulögð á engri stund.  Svo kom laumufarþegi með þeim,  Litla barnið okkar hann Bastían.  Það var æðislegt að fá hann aftur heim.  Nú á mándueginum 4. júní fórum við svo í skólann.  Álversskólann sko...mikið sem þarf að læra áður en maður fer í vinnuna.  Og ég get fullvissað ykkur um það að ég mun vinna í dýrasta fatnaði sem ég hef eignast...eitt sett kostar 130 . þúsund krónur. og það er fyrir utan skóna sko. Við fáum 3 sett.  En þetta er búið að vera þrælgaman og ég hef kynnst fullt af fólki og unnið hin og þessi verkefni í sambandi við hópvinnu.  Hlakka held ég bara til að byrja starfið.  Á föstudaginn 8 júní lét ég ætlleiða Bastían og er hann því fluttur að heiman.  Fluttur á Eskifjörð´og ég sakna hans alveg gríðarlega.  En þetta gekk ekki upp að hafa hann hérna í blokkinni. Hann er víst kominn á góðan stað núna og er í góðum höndum. Það góðum að honum hefur verið spillt.  fær að vera uppí rúmi og svona sem var bannað hér hjá okkur.  En fram að þessu höfum við bara verið heima að koma okkur alltaf betur og betur fyrir. Má nú ekki gleyma því að mamma birtist hérna 2. júní og færði okkur afmælis og innflutningsgjöf alveg líka þetta svaka flotta grill.  Það hefur verið mikið brúkað.  Og um kvöldið var kominn stór kassi umvafinn bleiku teppi og hvað var í kassanum....hvað haldiði?  jú jú eitt stykki ryksuga alveg splunkuný og ekki keypt af barnalandi.  Hún var frá Ingu og Sólveigu.  Takk allir saman fyrir allt saman.  En ég kveð í bili og kem með fleiri fréttir seinna... Bless bless og bestu kveðjur að austan.